በአዋሽ መልካሳ ኬሚካል ፋብሪካ የሙያ ደህንነት፣ ጤንነትና አከባቢ ጥበቃ መምሪያ ለፋብሪካው ሰራተኞች ከሰኔ 17- 20/2016 ዓ.ም በሁለት ዙር ሲሰጥ የቆየው ስልጠና ዛሬ ተጠናቋል።የስልጠናው  ዋና ዓላማም በፋብሪካ ውስጥ(በስራ ቦታ) ሊያጋጥሙ የሚችሉ  አደጋዎችን ፈጣን ምላሽ በመስጠት በሰውና በንብረት ላይ ሊደርስ የሚችልን አደጋ መታደግ ለማስቻል ነው።የሥራ ቦታ ደህንነት (Workplace Safety) ፣ የአደጋ ጊዜ ዝግጁነት እና ምላሽ እቅድ (Emergency Preparedness and Response Plan) እና የእሳት አደጋ መከላከል(Fire Prevention) በስልጠናው የተካተተቱ ዋና ዋና ርእሰ ጉዳዮች ናቸው።አደጋን አስቀድሞ በመከላከልና በድንገት አደጋ ቢያጋጥም መወሰድ ሰለሚገባቸው እርምጃዎች ግንዛቤ እንዳገኙ አንዳንድ ያነጋገርናቸው በስልጠናው ላይ የተሳተፉ የፋብሪካው ሰራተኞች  ገልጸዋል።በተለይ ስልጠናው በተግባር የደገፈ መሆኑ የማይረሳና ሁላችንም ልንጠቀምበት የምንችል እንደሆነ ጠቁመዋል።